ភ្នំពេញ៖ រដ្ឋបាលជលផលបានអំពាវនាវពលរដ្ឋដែលនិយមធ្វើប្រហុក ផ្អកត្រីឆ្អើរ ឬទឹកត្រី រួសរាន់ទៅទិញត្រី ខណៈចុងឆ្នាំនេះរហូតដល់ដើមឆ្នាំ២០២៣ត្រីអំណោយផលច្រើន។
រដ្ឋបាលជលផលបានសង្កេតឃើញថាក្នុងករណីមេឃស្រឡះល្អ គ្មានភ្លៀងកក់ខែ ឬមិនទទួលរងឥទ្ធិពលព្យុះភ្លៀងនៅរដូវនេសាទឆ្នាំ២០២២-២០២៣ ត្រីចាប់ផ្តើមបន្លាស់ទីចេញពីបឹងទន្លេសាប បឹង ស្ទឹង និងព្រែកនានា ចូលទន្លេសាប ទន្លេមេគង្គ និងទន្លេបាសាក់ ដែលអំណោយផលដល់ការធ្វើនេសាទបានត្រីច្រើននៅក្នុងភូមិសាស្ត្ររាជធានីភ្នំពេញ និងខេត្តកណ្តាល។
រដ្ឋបាលជលផលបានអំពាវនាវដល់ពលរដ្ឋអញ្ជើញមកទិញត្រីតាមពេលវេលាកំណត់។ ជាមួយគ្នានេះ រដ្ឋបាលជលផលបានស្នើឱ្យអាជ្ញាធរមូលដ្ឋាន ឬសមត្ថកិច្ចពាក់ព័ន្ធ បង្កលក្ខណៈងាយស្រួល ជូនដល់ប្រជាពលរដ្ឋបានធ្វើដំណើរ ស្នាក់នៅ និងដឹកជញ្ជូនផល ផលិតផលត្រី ដោយរលូនតាមការគួរ៕
